黃秋生偶遇林青霞獲讚「演戲很好」 唔要求同大美人合照竟然因為咁？

現年61歲嘅黃秋生日前飛往台灣出席周六（19日）舉行的《第59屆金馬獎》，以《白日青春》一片跟張繼聰（《窄路微塵》）、林家棟（《智齒》）、張孝全（《罪後真相》）、游安順（《一家子兒咕咕叫》）爭逐影帝寶座。昨日佢喺社交平台分享喺香港機場時嘅一段小插曲，網民都話非常羨慕佢，係一段一生難忘嘅回憶！

同場加映：神之拉闊丨鄭欣宜被嘲揀跳舞歌懷舊勁激動 Anson Lo勁歌熱舞後因胃痛拒訪

{{hket:ul-video id="6993"}}{{/hket:ul-video}}

黃秋生於Facebook「純文字」紀錄佢呢次「奇遇」，「（香港機場的一段小插曲 ）有位女士走向我，她戴着口罩，露出的眼睛顯示出她的高貴和修養。我心想，她年青時大概是個大美人吧？她來到我面前，然後很溫柔地對我說：『我是林青霞，我想跟你說，你演戲很好。不打擾了。』然後優雅地轉身遠去。甚麼？林青霞？我真不敢相信我的眼睛和耳朵，我懷疑了很久，直至在飛機上坐定，我才接受這是真實，嘩！林青霞稱讚我呢！我一定要把這小插曲記下來。」

{{hket:inline-image name="315488313_698585074963762_7786632749890902498_n.jpg"}}{{/hket:inline-image}}

原來68歲金馬影后林青霞今日喺台灣出席公開活動，佢長居香港，近日飛去當地，造就呢段機場小插曲。有網民留言追問黃秋生點解由得大美人離開，唔同佢合照？黃秋生拋下瀟灑一句：「這樣太幼稚了。」唔少人都戥佢可惜，極大反應稱：「世紀合照點會幼稚呀」、「難得有一個人值得你幼稚」、「在這麼高貴優雅的美女面前，矯情的裝成熟才是幼稚好嗎」、「大笨蛋」；另有人支持秋生，指保持空間距離，都係一種自我尊重及尊重對方嘅禮貌！

黃秋生從影以來先後獲得7座香港電影影帝獎項，其中3個係香港電影金像獎。佢早年多飾演精神病患者、反社會人物︰1993年嘅《的士判官》扮演專門殺害的士司機嘅殺人犯；1996年《伊波拉病毒》同《八仙飯店之人肉叉燒包》嘅反社會人格，非常立體，成功喺觀眾心中留下深刻印象。

黃秋生厲害之處係演乜似乜，2003年佢喺《無間道》扮演正直嘅警官而大獲好評，成為《第23屆香港電影金像獎》同《第40屆金馬獎》「最佳男配角」。而2006年《頭文字D》，憑着飾演藤原拓海的父親藤原文太再度贏得金像獎、金馬獎「最佳男配角」獎。2006年黃秋生客串由Naomi Watts、Edward Norton主演嘅荷里活愛情片《愛在遙遠的附近》（The Painted Veil）演戰時中國軍官。

2019年憑《淪落人》第5次提名金像獎「最佳男主角」，並第3次封帝。後獲邀參加意大利烏甸尼遠東電影節，接受「傑出成就金桑獎」加許。黃秋生拍《淪落人》冇收取片酬，表示得獎係「好心有好報」。

撰文：黃蘊姿